லீக்டன்ஸ்டைன் இளவரசருடன் பிரதமர் சந்திப்புவர்த்தகம், தொழில்நுட்ப உறவுகளை வலுப்படுத்தப் பேச்சு

லீக்டன்ஸ்டைன் இளவரசர் அலோயிஸுடன் பிரதமர் நரேந்திர மோடி அக்டோபர் 27 அன்று டெல்லி ஹைதராபாத் இல்லத்தில் பேச்சு நடத்தினார். இளவரசி சோஃபியும் இந்தப் பயணத்தில் பங்கேற்றுள்ளார்.

அக்டோபர் 25 முதல் 28 வரை நடைபெறும் அரசுமுறைப் பயணம், இருநாடுகளின் வர்த்தகம், முதலீடு, அறிவியல் மற்றும் தொழில்நுட்ப ஒத்துழைப்பை மேம்படுத்தும் நோக்கம் கொண்டது. இருதரப்பு உறவுகளை மேலும் வலுப்படுத்துவது பேச்சின் நோக்கம் என வெளியுறவு அமைச்சகம் தெரிவித்துள்ளது.

முன்னதாக வெளியுறவு அமைச்சர் ஜெய்சங்கரும் இளவரசரைச் சந்தித்தார். இந்தியா–ஐரோப்பிய சுதந்திர வர்த்தகக் கூட்டமைப்பு ஒப்பந்தத்தால் உருவாகும் வாய்ப்புகள் குறித்து அவர் குறிப்பிட்டார்.