முதலீட்டுத் திட்டங்களுக்கு புதிய ஒருங்கிணைப்பு ஆணையம்தலைமைச் செயலாளர் தலைமையில் துறை அனுமதிகளை விரைவுபடுத்த நடவடிக்கை

தமிழ்நாடு அரசு, தலைமைச் செயலாளர் தலைமையில் தமிழ்நாடு முதலீட்டு ஊக்குவிப்பு ஆணையத்தை அமைத்துள்ளது. தொழில், முதலீட்டு ஊக்குவிப்பு மற்றும் வர்த்தகத் துறைச் செயலாளர் உறுப்பினர்–ஒருங்கிணைப்பாளராக இருப்பார்.

நிதி, மின்சாரம், சுற்றுச்சூழல், வருவாய், நகராட்சி நிர்வாகம், தகவல் தொழில்நுட்பம் உள்ளிட்ட துறைகளின் மூத்த அதிகாரிகள் இதில் இடம்பெறுகின்றனர். நிலம், மின்சாரம், நீர் மற்றும் சுற்றுச்சூழல் அனுமதிகளை ஒருங்கிணைப்பது இதன் நோக்கம்.

பெரிய முதலீடுகள், இந்தியாவின் தடையற்ற வர்த்தக ஒப்பந்தங்களுடன் தொடர்புடைய திட்டங்கள் மற்றும் வெளிநாடுகளில் வாழும் தமிழர்கள் முன்வைக்கும் முதலீடுகள் செயல்பாட்டுக்கு வருவதை இந்த அமைப்பு கண்காணிக்கும். இதற்கான சட்டத் திருத்தம் நவம்பர் 3 முதல் நடைமுறைக்கு வந்துள்ளது.