சத்தியமங்கலத்தில் 87 விடுதிகளை மூடி இடிக்க உத்தரவுஅனுமதி இல்லாத கட்டடங்கள் மீது நடவடிக்கை எடுக்க உயர்நீதிமன்றம் அறிவுறுத்தல்

ஈரோடு மாவட்ட சத்தியமங்கலம் புலிகள் சரணாலயப் பகுதியில் உரிய அனுமதியின்றி செயல்படும் 87 விடுதிகளை உடனடியாக மூட சென்னை உயர்நீதிமன்றம் உத்தரவிட்டது.

மாவட்ட ஆட்சியரின் அறிக்கையில், இந்த விடுதிகளுக்கு நகர ஊரமைப்பு இயக்ககத்தின் திட்ட அல்லது கட்டட அனுமதி இல்லை என்றும், குடியிருப்பு நிலத்தை வணிகப் பயன்பாட்டுக்கு மாற்ற மலைப்பகுதி பாதுகாப்பு ஆணைய அனுமதி பெற்ற பதிவும் இல்லை என்றும் கூறப்பட்டது.

அனுமதி இல்லாத கட்டடங்களை பூட்டி சீல் வைத்து, சட்டப்படி இடிப்பு நடவடிக்கை எடுக்க வேண்டும் என நீதிபதிகள் என். சதீஷ்குமார், ஜி.கே. முத்துகுமார் அமர்வு தெரிவித்தது. மேற்கொண்ட நடவடிக்கைகள் குறித்து நவம்பர் 27 அன்று நிலை அறிக்கை தாக்கல் செய்ய வேண்டும்.