துபாய் அமிட்டி பள்ளியில் பன்னாட்டுத் தீபாவளி விழாஇந்தியத் துணைத்தூதரகம்–எஃப்ஓஐ இணைந்து ஏற்பாடு

துபாய் அல் குசைஸில் உள்ள அமிட்டி பள்ளியில் பன்னாட்டுத் தீபாவளிக் கொண்டாட்டம் நடைபெற்றது. இந்தியத் துணைத்தூதரகம், எஃப்ஓஐ நிகழ்ச்சி அமைப்புடன் இணைந்து இதை ஏற்பாடு செய்தது.

இந்திய சமூகத்தினருடன் சிங்கப்பூர், இலங்கை, இந்தோனேசியா, நேபாளம், மலேசியா, தாய்லாந்து, மொரீஷியஸ் ஆகிய நாடுகளின் பிரதிநிதிகளும் கொண்டாட்டத்தில் இணைந்தனர் என்று துணைத்தூதரகப் பதிவு தெரிவிக்கிறது.

பல்வேறு பண்பாடுகளைச் சேர்ந்த மக்களை ஒருங்கிணைக்கும் வகையில் கலை நிகழ்ச்சிகள் இடம்பெற்றன. விழா பற்றிய அதிகாரப்பூர்வப் புகைப்படப் பதிவை இந்தியத் துணைத்தூதரகம் நவம்பர் 4 அன்று வெளியிட்டுள்ளது.